Notre amie Eliane BOULET aime la langue de son Nord natal. Pour nous en faire partager toutes les saveurs, elle nous propose aujourd’hui ce texte de Marius Lateur, qui met si bien en valeur ce sens de la fête qui animait nos aïeux…
L’ducasse
V’là l’pus biel’fiêt’ dé l’vill’. Ch’est l’ducasse qui arrif’ !
Du pu jonne au pu vieux, in l’saque aveuc ses dints.
Ch’est d’bons r’pas, de l’gaîté, du biau in perspectif’
Ah, comme in est heureux ! Cha s’vot su l’min’ des gins.
Pou l’fêtier bin avant l’jour fixé pou l’ducasse
In invit’ ses aprints ; eun’paire ed’ bons amis
El’ premier jour surtout, faut qu’cha pète ou qu’cha casse !
In l’fiêt’ jamais tout seu, ch’t’eune viell’mot’ du pays.
In r’blanchit les plafonds, in r’peint et in r’tapisse,
In rajeunit l’mason, pa d’vant, d’tous les côtés.
Jusqu’à ch’gardin, s’voïett’ sont nettiés, ch’est justice,
Car i’s aront sûr’mint l’visit’ des invités.
Ché sort’s d’ouvrach’s finis, l’feimm’ s’artrouss’, frotte et lave ;
Et comme in dit ichi « all’ s’in donn’ tout autour ! »
Y-a point, tout il y pass’ du gernier jusqu’à l’cave.
Les rideaux sont cangés, tout est in ordr’ dins l’cour.
L’avant l’velle’ dé l’ducass’, goss’s et feimm’s vont, in binte.
Au-d’vant d’ché marchands d’lait avec seïaux et pots,
Pour êt’sûrs d’in avoir autant qu’i dot’n in printe.
I faut rire à les vir’,à moins d’êt’ comm’ du bos !
Ch’lait ch’est pour faire el’tart’, vous l’avez d’viné j’pinse ?
Qui dit : « Ducass’ » dit : tart’s. Sans tart’, quoi qu’all’s’rot bin ?
In in fait à gros bords, des épaiss’s et des minces,
A pronn’s à castonate, à rojins, au pain… et au « liboulli »
Pour les cuir’, dins l’coron, les gins s’arring’nt insonne ;
I cauff’nt in four eus’-mêm’s et, sans rien négliger,
Les port’nt sur eun’ équelle o bin su l’port’ d’eun’champe.
D’aut’s les port’ cuire aussi à mon dé ch’boulanger
Les tart’s cuit’nt son rintrés. In’in goût’. Qu’alle est bonne !
In l’s install’ dins eun’ champ’ sur éch’ plancher, d’sin miux.
L’coin du patois
L’velle, in tu’ ch’lapin, l’poul’ ; ch’ gambon cuit, in rayonne.
L’s infants vont vir, su l’plach’, ché baraqu’s et chés jux.
Ch’est l’jour ! v’là l’s invités ! in parle, un bot in verre.
In visite el’bass’-cour, ch’gardin d’vant d’dîner.
Cha l’y-est ! l’soupe est servi’. Ah qu’in va fair’ bonn’ chère !
In s’met à tape à s’naisse et in m inch’ sans s’gêner.
L’appétit est ouvert, in dit l’sinne, in rigole ;
Tout est bin cuit à point. V’là les tart’s, du bon vin.
Tout l’mond’ leu fait honneur. In bot ch’noir qui console,
Quéqu’s bons verr’s et in cant’ ; tout l’mond’ va au refrain.
Bin rassasiés, joyeux, in part à l’fête insonne,
In prind des numéros à l’ »lot’ri’ du trésor »
In tir’. Ch’est Zeph qui gagne ! Ah l’veinard ! – dit l’patronne
Il a gagné l’coqu’tier, tout près d’la montre in or !
In avanche, in vot d’tout. Diseus’s d’av’nir, glichoires,
Tirs, jux d’tirlibibi, tours à la lun’, vélos
« cass’gueul’ » pêque au champan jux d’dés, des balanchoires
Qu’in a plair à vir’ monter c’qu’à l’toil’ parfos.
– In feume, in rit, in sue ; in va boir’ souvint s’pinte –
Ch’t’in ju d’ massaqu’, ch’est des lutteux qui sont là d’front,
– « Avec qui voulez-vous lutter ? cri’ l’chef dé l’binte,
– « Avec éch’ti qui s’much’ ! » Pierre eun’fos li répond.
– Chés goss’s mont’nt à qu’va d’bos, d’aut’s mont’nt à balanchette.
L’soir, beaucop vont au cirqu’, au bal dont les jonn’s gins.
Chu q’i n’y-a ichi et qu’pou l’s’infants j’argrette,
Ch’est Lafleur, ch’est Guguss’, si biaux jus infantins !
L’lundi, in est pu calm’s. Mais l’mardi, ch’est l’contraire !
In dîne à on d’ses gins, su l’plache in y a r’va l’soir.
« Si in a querre ouvrer, in a querr’ fair’ bonn’ chère,
A s’distraire honnêt’ mint dins nous biau Pays Noir »
Marius Lateur
Les Seigneurs d’Amaurysortent à peine des presses de l’imprimeur, à peu de chose près dans les délais prévus. Les exemplaires commandés par l’Amicale me seront livrés le 9 juin prochain et la mise dans les bacs des libraires sera effectuée le 15 juin, soit avec deux petites semaines de retard.
